Ватанимизнинг юксак мукофотлари топширилди ( 25.01.2017 )    “Ўзбекистон – умумий уйимиз” бадиий кўргазмаси ( 23.01.2017 )    Ўзбекстон кўпмиллатли юрт ( 23.01.2017 )    Республиканскому интернациональному культурному центру - 25 ЛЕТ! ( 20.01.2017 )    Бағрикенглик – тинчлик ва барқарорлик асоси ( 21.10.2016 )   
  
                                                                                                                                                                                                                                                                                                                                “Тасдиқлайман”
                                                                                                                                                                                                                                                                                                           Ўзбекистон Республикаси  
                                                                                                                                                                                                                                                                                                       Бош вазирининг ўринбосари  
                                                                                                                                                                                                                                                                                                                                Б.Ю.Ходиев
                                                                                                                                                                                                                                                                                                                      " 23 " февраль  2016 й.  
 

“Ўзбекистон – умумий уйимиз”
VI Республика дўстлик ва маданият фестивали тўғрисида
НИЗОМ


Ўзбекистон Республикасида Турли миллат ва элатга мансуб фуқароларининг она тили, миллий анъаналари, урф-одатлари, қадриятлари ва расм-русумларининг асраб-авайланиши, маънавияти ва маданиятининг ривожланиши, миллатлараро тотувликни мустаҳкамлашга алоҳида эътибор берилиши Конституция ва қонунлар билан кафолатланган.
“Ўзбекистон – умумий уйимиз” дўстлик ва маданият фестивали ҳамда унинг доирасида ўтадиган тадбирлар мамлакатимизда яшовчи турли миллат ва элат вакилларининг бирлиги ва жипслигини яна бир бор намоён қилишга, фуқаролар тинчлиги ва миллатлараро тотувликни мустаҳкамлаш борасидаги миллий-маданий марказлар фаолиятининг такомиллашуви учун имконият яратишга хизмат қилади.


I. Фестивалнинг мақсад ва вазифалари:
-    Ўзбекистонда истиқомат қилувчи турли миллат ва элат вакилларининг
бой маданий-тарихий меросини тарғиб қилиш, давлатимизнинг миллий сиёсати самараларини намойиш этиш;
-    миллий-маданий марказлар ҳузуридаги бадиий ҳаваскорлик жамоаларининг маънавий ва ижодий салоҳиятини янада юксалтириш, улар томонидан ўтказиладиган тадбирларга, дўстлик байрамларига турли миллат ва элат вакилларини кенгроқ жалб этиш;
-    ўсиб    келаётган    авлодни    ватанпарварлик,    инсонпарварлик,
байналмилаллик ва миллий истиқлол ғояларига садоқат руҳида тарбиялаш;
-    барча миллат ва элат вакилларининг маънавий бойиши ҳамда маданий
ривожланишига тенг шароит ва имкониятлар   яратилганлигини намойиш этиш;
-    Ватанимиз фани ва маданияти равнақида турли миллат вакилларининг
ҳиссасини ўрганиш ва жамоатчиликка етказиш;
-    келажаги буюк давлатимиз  ва унинг бунёдкор, меҳридарё
халқини   мадҳ  этувчи,   инсонлар   қалбида  бағрикенглик  туйғуларини
шакллантирувчи  юксак бадиий савиядаги мусиқа асарлари, саҳна кўринишлари ва қўшиқлар яратилишига кенг имконият бериш;
-    фуқаролар тинчлиги ва миллатлараро тотувликни мустаҳкамлашда
миллий-маданий марказларнинг ролини ошириш, уларга услубий ва амалий ёрдам кўрсатиш;
-    миллий-маданий марказлар   фаолиятини   такомиллаштиришнинг истиқболларини аниқлаш.


II. Фестивал тузилмаси
Республика байналмилал маданият маркази, Молия вазирлиги, Маданият ва спорт ишлари вазирлиги, Хотин-қизлар қўмитаси, Касаба уюшмалари Федерацияси кенгаши, Маънавият тарғибот маркази, “Ўзбекнаво” эстрада бирлашмаси, Ўзбекистон Миллий телерадиокомпанияси, Бастакорлар уюшмаси, Бадиий академия, Ёзувчилар уюшмаси, “Тасвирий ойина” ижодий уюшмаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, ЮНЕСКО ишлари бўйича Ўзбекистон Республикаси миллий комиссияси фестивалнинг асосий муассисларидир.
Дўстлик ва маданият Фестивали уч йилда бир маротаба ўтказилади. Уни ўтказиш муддатлари:
биринчи саралаш босқичи – республика ташкилий қўмитаси томонидан тасдиқланган жадвалга мувофиқ Қоракалпоғистон Республикаси, вилоятлар ва Тошкент шаҳрида (март-октябрь ойлари);
иккинчи якуний босқич – Тошкент шаҳрида (ноябрь-декабрь ойлари) ўтади.
Фестивал доирасида “Миллий қўшиқ ва рақс ижрочиси”, “Фольклор жамоаси”, “Ашула ва рақс ансамбли”, “Миллий мусиқа” концерт дастурлари намойиш этилади, шунингдек тасвирий ва халқ амалий санъати кўргазмалари ташкил қилинади.
Бундан ташқари, иккинчи босқичда “Миллий-маданий марказлар ва миллатлараро тотувликни мустаҳкамлаш масалалари” мавзуида “давра суҳбати” ўтказиш, Фестивал иштирокчилари билан маҳаллаларда, олий ўқув юртларида учрашувлар ташкил этиш, Тошкентнинг диққатга сазовор жойларига ташрифлар уюштириш кўзда тутилган.

III. Фестивал шартлари
Фестивалда Ўзбекистонда истиқомат қилувчи турли миллат ва элат вакилларининг профессионал ва ҳаваскор бадиий жамоалари (5-30 кишигача) ҳамда яккахон ижрочилари, рассомлар, ҳунармандлар, санъатшунослар ва фахрий меҳмонлар қатнашиши мумкин.
Фестивал қатнашчиларининг чиқишлари тартиби қуръа ташлаш йўли билан белгиланади. Иштирокчиларнинг ёши чекланмайди.
Қатнашчиларнинг фестивалга келишлари билан боғлиқ барча харажатларни тавсия этувчи ташкилотлар тўлайдилар.
Иштирок этувчилар ташкилий қўмитага белгиланган муддатда ўз дастурларини такдим этишлари лозим. Дастур жаҳон халқлари санъати намуналарини ўзида акс эттирган ҳолда ранг-баранг тилларда ижро этилиши мумкин. Шунингдек, у қуйидаги йўналишларда тузилган бўлиши керак:
1. Мумтоз миллий мусиқа, ашула ва рақс асарлари;
2. Замонавий миллий мусиқа, ашула ва рақс асарлари;
3. Фольклор асарлари; ;
4. Яккахон ижрочилар;
5. Тасвирий ва амалий санъат асарлари кўргазмалари.

Жойларда ўтказилган 1-босқич ғолибларининг номинациялар бўйича Республика фестивалида иштироки учун аризалар иловада кўрсатилган намуна бўйича қуйидаги  манзилга юборилиши лозим:  
Тошкент шаҳри,  100100, Яккасарой тумани, Бобур кўчаси, 4-уй, Республика байналмилал маданият маркази. 
Тел. 255-76-11, факс: 255-19-80. E-mail: info@icc.uz
 

IV. Фестивал ташкилотчиларининг мажбуриятлари
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари фестивалнинг ҳудудий босқичини ўтказиш учун масъулдирлар.
Фестивалнинг якуний босқичи сарф-харажатлари ташкилий қўмита томонидан такдим этилган сметага мувофиқ бюджет, ҳомийлик ва бошқа маблағлар ҳисобидан қопланади.
V.Ташкилий қўмита
Дўстлик ва маданият Фестивалининг ҳудудий босқичлари Республика байналмилал маданият маркази, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Маданият ва спорт ишлари вазирлиги, Олий ва ўрта махсус таълим вазирлиги, Халқ таълими вазирлиги, Ўзбекистон касаба уюшмалари Федерацияси кенгаши, Маънавият тарғибот маркази, Хотин-қизлар кўмитаси, Ёзувчилар уюшмаси, “Камолот” ЁИҲ Марказий Кенгаши, Бадиий академия, “Тасвирий ойина” ва Бастакорлар уюшмалари, “Маҳалла” жамғармаси ҳамда бошқа тегишли давлат ва жамоат ташкилотлари билан ҳамкорликда амалга оширилади.
Фестивалнинг якуний қисмини ўтказишга Ўзбекистон Республикаси Вазирлар Маҳкамасининг Ёшлар сиёсати, таълим, маданият ва спорт масалалари Комплекси томонидан тасдиқланувчи Республика ташкилий қўмитаси масъулдир.
Ташкилий қўмита Фестивални тайёрлаш ва ўтказиш бўйича барча тадбирларни амалга оширади, гала-концерт сценарийсини, пресс-релиз, таклифнома ва буклетларни тайёрлайди, танлов ғолиблари ва профессионал артистлар, оммавий ахборот воситалари иштирокини таъминлайди, харажатлар сметасини тузади.

VI. Ҳайъат аъзолари
Фестивал катнашчиларининг концерт дастурларини баҳолаш учун етакчи олимлар, адабиёт ва санъат арбобларидан иборат 7-9 кишилик ҳайъат тузилади.
Фестивал ҳайъати учун хонанда, созанда ва раққосаларнинг бадиий маҳорати, қўшиқ ва рақсларнинг миллий хусусиятлари ва мазмундорлиги, либослар дизайни, тасвирий ва амалий санъат асарларининг бадиий савияси асосий мезон бўлиб ҳисобланади.
Ҳайъат такдим этилган асарларни 10 балли тизим бўйича баҳолайди.
Жойларда ўтказиладиган фестивалдаги мукофотлар сони ва миқдорини ташкилий қўмиталар мустақил белгилайдилар.
Фестивал шартларига тўла жавоб берадиган асарлар такдим этилмаган ҳолларда Республика Ҳайъати айрим мукофотларни бермаслик ҳамда номинацияларни ўзгартириш ҳуқуқига эга.
Ҳайъатнинг қарори узил-кесил ҳисобланади ҳамда қайта кўриб чиқилмайди.

VII. Мукофотлар
Концерт дастурлари ва кўргазмалар бўйича номинациялар ғолибларига дипломлар ҳамда ташкилотчилар ва ҳомийларнинг эсдалик совғалари топширилади. Ғолиблар қуйидаги номинациялар бўйича белгиланади:
1. Ватан ҳақидаги қўшиқни энг яхши ижро этган хор жамоаси;
2. Ватан ҳақидаги энг яхши қўшиқ ижрочиси;
3. “Ўзбекистон – умумий уйимиз” мавзусини энг яхши ёритган рақс
               (ашула, хор жамоаси, театрлаштирилган саҳна кўриниши, вокал-хореографик 
                композиция) ижрочиси;
4. “Ўзбекистон – умумий уйимиз” мавзуси ёритилган энг яхши шеър, ашула
                муаллифи;
5. Энг яхши миллий фольклор ансамбли;
6. Энг яхши анъанавий халқ рақси ижрочиси;
7. Миллий анъаналарни рақсда ёрқин акс эттирганлиги учун;
8. Энг яхши халқ қўшиқларининг замонавий ижрочиси;
9. Энг яхши миллий рақс ижрочиси;
10. Машҳур халқ қўшиқларининг ёрқин ижрочиси;
11. Энг яхши оммавий халқ ашула ва рақс ижрочиси (оммавий халқ композицияси);
12. Миллий анъана ва замонавий услубни уйғунлаштирган ижро учун;
13. Энг яхши овоз соҳиби (аёллар орасида);
14. Энг яхши овоз соҳиби (эркаклар орасида);
15. Энг ёш истеъдод соҳиби; 
16. Энг моҳир созанда;
17. Энг яхши халқ мусиқий чолғу ансамбли;     
18. Энг яхши миллий саҳна либоси учун;
19. Ўзбек халқ қўшиқларининг энг яхши ижроси учун;
20. Энг яхши болалар рақс жамоаси;
21. Миллий анъана ва удумларни сақлаш ҳамда ривожлантиришдаги самарали  
       хизматлари учун;
22. Тасвирий санъат соҳасида эришган катта ютуқлари учун;
23. Халқ амалий санъати соҳасида эришган катта ютуқлари учун;
24. “Ўзбекистон – умумий уйимиз” мавзусини фото сурат ва тасвирий санъатда
           ёрқин акс эттирганлиги учун
Фестивалда иштирок этган бадиий жамоа ва яккахон ижрочиларнинг якуний концерт дастурлари Ўзбекистон Миллий телерадиокомпанияси томонидан видео тасвирга ёзиб олинади ва намойиш этилади.



                                                                                                                                                                               “Ўзбекистон – умумий уйимиз”
                                                                                                                                                                               дўстлик ва маданият фестивали
                                                                                                                                                                                                тўғрисидаги
                                                                                                                                                                                            НИЗОМга илова
                                                                                                                                                                                “     23  “ февраль  2016 й.  



 
                                                                                                                                                                     “Ўзбекистон – умумий уйимиз”
                                                                                                                                                                 6-республика дўстлик ва маданият
                                                                                                                                                                  фестивали Ташкилий қўмитасига




                                                                                      АРИЗА

1. Қорақалпоғистон Республикаси (ёки вилоят номи) _______________________________________нинг  
 ______________ шаҳри (ёки тумани)_____________________________________________ манзилда 
жойлашган_________________________________________________________________________
2. (Жамоа номи) ______________________________________________________________________
__________________________________________________________________________________
3.(Иштирокчиларни тавсия этаётган ташкилот номи) __________________________________________
томонидан “Ўзбекистон – умумий уйимиз” 6-республика дўстлик ва маданият фестивалида______________
_______________________________________ номинацияси бўйича иштирок этиш учун тавсия этилади.



Ташкилот раҳбари

_______________________                                                                                                                          _________________
  (ф.и.ш.)                                                                                                                                                                                              (имзо)
 
  
      М.Ў.    “____” _________ 2016 й.


Фестиваль совриндорларини табриклаймиз!

 2013 йил 14 декабрда пойтахтимизнинг “Туркистон” саройида “Ўзбекистон – умумий уйимиз!” 5- республика дўстлик ва маданият фестивалининг якуний босқичи бўлиб ўтди.  Фестиваль совриндорлари:


-  Навоий шаҳар “Ивушка” Халқ хори (Ўзбекистон Рус миллий маданий маркази (МММ).  “Ўзбекистон – умумий уйимиз” мавзусини ёритган театрлаштирилган саҳна кўриниши учун” номинацияси бўйича;

- Феруза Холдарова (Тошкент шаҳар Бошқирд МММ). “Энг яхши овоз соҳибаси” номинацияси бўйича;

- “Эребуни” рақс ансамбли (Ўзбекистон Арман МММ). “Миллий анъаналарни рақсда ёрқин акс эттирганлиги учун” номинацияси бўйича;

- Арслон Эсенов (Республика Туркман МММ). “Миллий халқ қўшиқларнинг энг яхши ижроси учун” номинацияси бўйича;
 
- Эльвира Мухуддинова (Республика Яҳудий МММ). “Энг яхши анъанавий халқ рақси ижрочиси” номинацияси бўйича;

- “РАҚС” рақс ансамбли (Республика Турк МММ). “Энг яхши миллий саҳна либоси учун” номинацияси бўйича;

- Мадина Мамажонова (Ўзбекистон Қирғиз МММнинг Наманган вилояти бўлими). “Халқ Амалий санъати соҳасида эришган катта ютуқлари учун” номинацияси бўйича;

- “Эксклюзив” рақс ансамбли (Ўзбекистон “Видергебурт” немис МММнинг Фарғона вилояти бўлими). “Ўзбекистон – умумий уйимиз” мавзусини рақсда ёритганлиги учун” номинацияси бўйича;

-  Тошкент вилоятининг Олмалиқ шаҳар “Эдельвейс” рақс гуруҳи (Республика «Славутич» Украин МММ). “Энг яхши оммавий халқ ашула ва рақс ижрочиси” номинацияси бўйича;

- “Айқулаш жулдузлари” рақс ансамбли (Қорақалпоғистон Республикаси). “Энг яхши миллий рақс ижрочиси” номинацияси бўйича;
 
- “Катюша” хор жамоаси (Тошкент шаҳар «Свитанак” Белорус МММ). “Энг яхши миллий рақс ижрочиси” номинацияси бўйича;

- “Сиртаки” хореографик ансамбли (Тошкент шаҳар Грек маданият жамоатчилиги). “Энг яхши болалар рақс жамоаси” номинацияси бўйича;

- Ойжон Тожибоева (Ўзбекистон Қозоқ МММ). “Энг яхши миллий фольклор ижрочиси” номинацияи бўйича;

-“Дўстлик” вокал-хореографик ансамбли (Тошкент шаҳар Татар ижтимоий маданий-маърифий маркази). “Миллий анъана ва замонавий услубни уйғунлаштирган ижро учун” номинацияси бўйича;

- Ойбек Тўхтаев (Тошкент шаҳар Уйғур МММ). “Машҳур халқ қўшиқларининг ёрқин ижрочиси” номинацияси бўйича;

- Қувончбек Сарабеков (Республика Тожик МММнинг Жиззах вилояти бўлими). “Анъанавий миллий ашуланинг ёрқин ижрочиси” номинацияси бўйича;

- Рита Зокировна Махмудова (Самарқанд вилояти МММларни мувофиқлаштирувчи кенгаш аъзоси). “Миллий санъат ва маданиятни ривожлантиришдаги самарали фаолияти учун” номинацияси бўйича;

- Раъно Азизова (Республика Озарбайжон МММ). “Миллий анъана ва удумларни сақлаш ҳамда ривожлантиришдаги самарали хизматлари учун” номинацияси бўйича;

- Александра Ли (Ўзбекистон Корейс МММлар Ассоциацияси). “Энг яхши халқ қўшиқларининг замонавий ижрочиси” номинацияси бўйича;

- Шомурод Шаропов (Ўзбекистон Араб МММ, Қашқадарё вилояти Жейнов қишлоғи). “Ўзбекистон – умумий уйимиз” мавзусини мақола ва фотосуратларда ёрқин акс эттирганлиги учун” номинацияси бўйича;

- “Максим. Уз” вокал-инструментал ансамбли (Ўзбекистон “Светлица польска” Поляк МММ). “Энг яхши эстрада гуруҳи” номинацияси бўйича;

- “Мзиури” рақс гуруҳи (Тошкент шаҳар «Мегоброба” Грузин МММ). “Ансамбллар орасида энг яхши миллий саҳна либоси учун” номинацияси бўйича;

 “Ўзбекистон – умумий уйимиз!” 5- республика дўстлик ва маданият фестивалининг рағбатлантирувчи мукофот совриндорлари:

- Навоий шаҳар “Фарҳод” маданият саройи қошидаги “Сардоба” ансамбли;

- Омадилло Жўраев – “Отуш” ансамбли солисти (Ўзбекистон Уйғур МММнинг Андижон вилояти бўлими); 

- Гўзал Қурбонова – Халқ амалий санъати устаси (Сурхандарё вилояти Туркман МММ);

- “Ипташлар” фольклор ансамбли (Бухоро вилояти Татар-бошқирд МММ);

- Ўзбекистон “Видергебурт” немис МММ қошидаги рақс ансамбли;

- Кокяб Алиева – “Озарбайжон қизлари” рақс ансамблининг бадиий раҳбари  (Республика Озарбайжон МММ); 

- Ўзбекистон Корейс МММлар Ассоциациясининг Хоразм вилояти бўлими қошидаги рақс ансамбли.
 
 Республика байналмилал маданият мракази, фестиваль ташкилий қўмитаси ва хайъат аъзолари барча совриндор ва қатнашчиларни ғалаба билан чин юракдан табриклаб, уларга келгуси ишларида янги ижодий ютуқлар тилаб қолади!